Leef vasteloavesvrung oet gans Kunder en omsjtreeke,

Mit pieng in oos vasteloaveshart loat vieër uch weete, dat vieër helaas hubbe motte besjleete um de vuur zoaterdig 13 november geplande oapening van ‘t 68e Kaatboere-sezoen en van ‘t 5x11e van de Kaatbuurkes aaf te gelaste.

’t Corona-virus laajt zoeëdanig fel op, dat de ziekehoeze weer volsjtroome. Umsjtandigheede, woeë-in vieër ’t neet verantwoord en neet gepast vinge um mit inne groeëte groep luuj vaste-loavend te viere. D’r bis vuur kort politieke leidroad van “ ’t Kin zoelang ’t moag”, dekt inmiddels de lading neet mieë.

Van “Kunder ontwaakt” gunt vieër zoeë dus noe noa “Kunder drieënt zich nog ‘ns um !”

Helaas, ’t is neet angesj. Loate vieër, al is dat missjien teëge beëter weete in, toch d’r hoap blieve hoate, dat begin 2022 de situaasie minder ernstig is en vieër d’r toch nog ee hieël sjoeën sezoen van kinne maake. En kinne vieër toch nog “Van Siësta noa Fiësta !”

Groetjes en blieft allemoal gezond,

CV De Kaatboere en prins Lars I
JCV Kaatbuurkes en jeugdprinsenpaar Jonas I en Fenna I