Kiek hieonger vuur d’r teruukblik durch Jack I
♥️ Wat vongst dich ’t sjunste aafgeloape seizoen?
Het is lestig um noa zoe ’n waanzinnig joar ee moment te keeze, d’r woare genog prachtige momenten zo wie de oetreuping van os jeugdprinsepaar Jeugdprins Levi I en Jeugdprinses Ize I, de taxiritten mit Freek en Layla en wie het ganse Kunderhoes noa inne oavend de pensponypolonaise achteree leep, of beater gezag sprong!
♣️ Wat zulste noëts vergeëte van dien regeringsjoar?
Toen vier in d’r optocht mit ozze wagen d’r Hoëgeweag op drienden begoos juus op dat moment de zon te sjiene. V’r keke hoëg vanaaf d’r wagen oet uver al die luuj die langs de kant stinge, wat woar dat ’n fantastisch gezich! Dat liët mer zië wie de carnaval leaft bie os in het durp en doa moage v’r mit z’n alle best trots op zië!
♦️ Hubste inne tip vuur d’r nuuje prins?
Zurg vuur stevige veren die good rechtop blieve stoa! Die van mich hangen vaak noa ’n hoaf oer de luuj al onger de naas te kriebele, dat weat get minder gewaardeerd! En geneet uiteraard van elk moment datse prins moags zië in Kunder, want dat is het sjunste wat er is!
♠️ Wat wilste nog kwiet?
Ich wil gear alle Kaatboere en Kaatboerinne die mich hubbe opgenomme binnen de vereniging bedanken, vanaaf het alleriesjte moment hub ich mich heem geveuld. Doaneave natuurlijk in het bijzonder ozze president Freek en de ganse road van elf die het toch ee joar mit mich vol hubbe motte houwe!
Jack, namens de ganse Kaatboerefamilie; Bedank veur alles aafgeloape seizoen!
