Kiek hieonger vuur d’r teruukblik durch Liv I

Leef Kaatboere, Kaatboerinne en Kaatbuurkes,

Auw wië, t jaor is umgevlaoge en wat waor ut inne iër um uch Prinses te maoge ziën. Same mit Prins Siem hub ich ee fantastisch jaor gehat, wat hubbe viër genaote.

Wie mam en pap in december durch dur Leo van ut Kaatbuurkes comité gebeld woëte dat ich prinses mocht waere hoofde ze nit lang te dinke. Mer die bandiete houwe mich nieks gezag. Dus plotseling op 17 december sjting mich Layla, Dimitri en Leo op dur sjtoep. Normaal hub ich ummer get te zigge, mer toen waor ich sjtil. Ich zou prinses va Kunder waere!

Toen begoos t sjtil houwe en t leege teage de luuj. Wat woar dit inne sjpannende en leuke tied.

Dat ich oeteindelik op 16 februari op miene 11de verjaordig oetgeroope woëd tot Prinses woar inne droëm dea oetkoam. Van de sjpanning vuuraaf, t oet dur caravan sjpringe tot de afterparty in de Pintelier, onvergeatelik.

Der sjoëlcarnaval mit Danny Pouwels en t NOSjournaal woar echt gaaf! Ee hoëgtepunt woar och dur optoch op zondig. Supervet om same mit Siem boave op der wage te sjtoan en al die luuj sjnuuts toe te werpe.

Wat ich och noëts zal vergeate is dur proclamatie oavend van Prins Bruce. Dit woar alwir inne geweldige oavend. Dat ich same mit Bjorn van Bjorn en Mieke op de bühn e leedje mocht zinge woar supersjiek!

Helaas moos dizze oavend ozze Prins Gregor aaftreje, woe ich t neet gans druüg hub gehoate omdat vier same mit Gregor inne geweldige vastelaovend hubbe moage viere. Gregor bedank vuur al die mooie momente same!

Dat Gregor en Bruce allebei SJK begeleiders zunt ving ich gaaf! En al woar t kort, och wil ich Bruce bedanke vuur de gezellige oavende same en nog veul plezeer wunsje.

Natuurlik wil ich och miene Prins Siem en familie bedanke vuur het geweldige joar. Same sjtiekem dingsjkes plenne en oefene, waor superleuk. Och enorm bedankt aan t Kaatbuurkes comité die ummer vuur os kloar stjtinge. Layla, Dimitri, Denise, Leo en och neet te vergeate Joep en Jarne. Och wil ich ozze road en OJP’s bedanke, mit uch woar elk fiëske top!

Ozze opvolgers wil ich mitgeave: geneet va elk moment, gank vuurop in der Kundesje vastelaovend want dit is uch joar!

Nieks sjunder wie Kunder, bedankt!

Prinses Liv I (2025) J.C.V. de Kaatbuurkes

 

Liv, namens de ganse Kaatboerefamilie; Bedankt vuur alles aafgeloape seizoen!