Kiek hieonger vuur d’r teruukblik durch oad-prins Nick I
♥️ Wat vongst dich ‘t sjunste aafgeloape seizoen?
Ut mooiste van ut seizoen woar veur mich toch waal d’r optoch! Ut woar behuurlik sjpannend met ut weer tot der letste minuut, mer de weergode woare os positief gezind!
♣️ Wat zulste noëts vergeëte van dien regeringsjoar?
Wie veul luuj dich es prins va Kunder n warm hart toedrage, middels leuke berichte, felicitaties op de receptie, aanwezigheid bie alle mooie activiteite van de Kaatboere en gank zo mer durch!
♦️ Hubste inne tip vuur d’r nuuje prins?
Loat t dich euverkomme en geneet van elke seconde! Es ich noe teruuk kiek, kinse dich neet echt veurbereide d’r op. De begeleiding vanoet de President, de Road van Elf en ‘t besjtuur zurge d’r auch zeker veur dasse volledig kins focusse op ut make van sjpass en plezeer (Op de Kundesje manneer)
♠️ Wat wilste es letste nog zigge?
Ich wil de Kaatboere bedanke veur dit mooie prinsejoar. In ‘t biezonder mien familie en mien vrund, mer auch Freek en ut besjtuur van de Kaatboere. En veur noe, prins bisse mer veur eave, mer oud prins veur t ganse leave! Alaaf!
Nick, namens de ganse Kaatboerefamilie; Bedank veur alles aafgeloape seizoen!
