Kiek hieonger vuur d’r teruukblik durch Luc II

♥ Wienië en wie hubste gehoëd dats dich prins moags weëde?
Woonsdig 21 december, toen ich aan ’t karte woar, woeëd mam gebeld durch d’r Leo. Pap en mam hubbe mich toen nog nieks verteld. Ich woar ongertusje giddere daag miene mail aan ’t checke of ich nog gein bericht heij. Donderdig 29 december zoog ich Leo, Kitty en Dimitri durch de achterduur kome um mich zoëgezag get te vertelle. Toen koam miene druim oet; ich moaget d’r 55e jeugdprins van de Kaatbuurkes weëde en die sjun, lang veere drage woar ich es klinge jong verleef op bin gewoare!

♣ Wat vongst dich ‘t sjunste aafgeloape seizoen?
Wat ech biezonger woar is dat Saar en ich dit mit al os opa’s en oma’s hubbe kenne viere. Och ’t jubileumfiësta woar ech hiël erg sjiek! Wat hub ich same mit Nick en Saar genoate, onger angere van de band Promilaasj. D’r optoch woar letterlik en figuurlik ’n hoegtepunt!

♦ Wat zulste noëts vergeëte van dien regeringsjoar?
Dat ich aafgeloape seizoen d’r derde prins oet mien voetbalteam woar, deë jeugdprins woëd. Iësjt woëd Zen geproclameerd bie de Jong Ströpere, d’r daag vuurdat ich geproclameerd woëd Quintin bie de Naate en es letste sjprong ich achter de pinata’s oet same mit mien prinses Saar. Och zal ich noëts vergeete dat Saar en ich op de sjouwers woëte genoame aan ’t eind in ’t Kunderhoes tijdens ’t leedje ‘Eimoal prins te zië’ en doanoa os geweldige afterparty in de Pintelier.

♠ Hubste inne tip vuur d’r nuuje prins en prinses?
D’r is mer ee dink dat mot, dat is oam blieve hoale; de rest kump allemoal waal good! Zoë woar miene sjteek verkiëd gemak en waor ’t boeketje van Saar nog neet kloar vuur de foto. Mit een passjteek en ’t boeketje van de vurrige jeugdprinses is de foto toch geweun good gekoame.

Wat wilste es letste nog zigge?
Es letste wil ich Saar en Nick bedanke vuur ’t prachtige seizoen dat ich mit hun hub moage mitmaake. Och wunsj ich ’t nuuje jeugdprinsepaar en Jack een prachtig seizoen toe. En dan sjleet ich noe aaf mit: Nieks sjunder wie Kunder, alaaf! ♥♣♦♠

Luc, namens de ganse Kaatboere- en Kaatbuurkesfamilie; Bedank veur alles aafgeloape seizoen!