Kiek hieonger vuur d’r teruukblik durch Saar I
♥ Wienië en wie hubste gehoëd dats dich prinses moags weëde?
Mam werd mit dit nuujts durch dur Lei gebeld de weëk vuur Krismes. Op Ieësjte krisdaag loog een kedootje onger dur krisboom. Doa zoot een envelop in mit een keertje wo op ’n tèkening van een prinses sjting mit de tekst dat ich de nuuj prinses van de Kaatbuurkes zou wuure.
♣ Wat vongst dich ‘t sjunste aafgeloape seizoen?
De proclamatie en dur optoch vong ich ech de twië hoogtepunte. Wat woare die sjiek! Eindelijk koos ich iekerinne loate weete dat ich de nuuj prinses woar…zoe sjpannend, achter dur piñata versjtoppe en duroet sjpringe! En dur optoch woar onvergeatelik…op dea groëte wagen boave drop same mit Luc. Geèn moment sjtil gesjtange, alling mer gesjpronge en gegooid mit al ut sjnoep!
♦ Wat zulste noëts vergeëte van dien regeringsjoar?
Teveul om op te numme, mer ut moment dat Lei, Kitty en Dimitri thoes komme om te vertille dat ich same mit Luc ut nuuj prinsenpaar ging wuure woar hiejl bijzonder. ’N bijzongere krisvakans volgde… Vier ginge op zeuk noa de jurk, foto’s make bie dur Leon Smeets, sjtiekem aafkalle mit dur Luc en zien auwesj, inne tied om echt nooit miër te vergeëte!
♠ Hubste inne tip vuur d’r nuuje prins en prinses?
Ziëker han ich ‘n tip. Geneet van alles wat komme geet, want ut vluügt zoë vuurbie! Maak sjpas en plezeer op de Kundesje meneer!
Wat wilste es letste nog zigge?
Wat woar ut super om jubileumprinses te moage zeen van de Kaatbuurkes! Inne droom dea ech is oetgekomme! Nieks Sjunder Wie Kunder, Alaaf! ♥♣♦♠
Saar, namens de ganse Kaatboere- en Kaatbuurkesfamilie; Bedank veur alles aafgeloape seizoen!
